E tolu vaiaso lea ua faamalolo le tumau ai le alii taalo o Caleb Clarke ona o lana pue ia Tomasi Alosio o le Moana Pasifika ile malae i Eden Park I le latou taaloga talu ai. O lona uiga la faatoa maea le faasalaga o Clarke ile aso 23 o Aperila ma o le a misia ai le taaloga ma le Chiefs e faia I Hamilton faapea foi ma le fetauiga a lana au male Crusaders I Kalaiesetete atoa ai ma le fetauiga ma le Fijian Drua I Melepone.
O le faaiuga na faia mai ise fonotaga a le vaega e nafa ma le iloiloina o tulafono o le taaloga ma faalauiloa ai aloaia le faaiuga ile taeao analeila.
O Clarke le tama taalo lona lua ale Blues ua faia iai faasalaga ia o le red card. O leisi o Nepo Laulala lea foi sa faasala mo le tolu vaiaso ona o lana pue I le tama taalo foi o le Moana Pasifika o Fini Inisi I le vaiaso talu ai.
