Na faanatinati atu sui o Auaunaga o Faalavelave Tutupu Faafuase’i, i se matāupu na valaau atu i Manukau Road pe tusa o le itula e fitu i le taeao analeila.
O se faalavelave na aafia ai nisi o le mamalu lautele.
Faamanino mai e to’alima tagata na aafia i lenei matāupu.
I ripoti mai le NZ Herald, faamaonia e le St John, e to’atasi se tagata o loo i se tulaga tigāina, o le isi na maitauina le ogaoga o aafiaga i ona manu’a, ma le isi to’atolu na manu’a mitimiti, ae o le isi to’alua e le’i aafia tele, ma na togafitia lava i le nofoaga na tula’i ai lea faalavelave.
I se faamatalaga o lenei matāupu e faapea, o se alii 30 aga’i le 40 tausaga le matua na ta’ua e molimau na faaoolima i se tama’ita’i, na ia gaoia le taavale a lea māfine, ma ia soso’aina ai tagata o loo aga’i atu i uila vili vae, ma manunu’a ai.
Ua faailoa mai e leoleo o loo taofia nei lea alii i lalo o le latou vaavaaiga.
Na maitauina le tapunia ai o se vaega o le Manukau Road i le va o Ranfurly Road ma Queen Mary Avenue a o faaauau su’esu’ega, ma na toe fetuuna’i ai foi auala o feoa’iga a pasi a le Auckland Transport.
Puna o Faamatalaga: https://www.nzherald.co.nz/nz/auckland/epsom-incident-five-people-injured-one-person-arrested-section-of-manukau-rd-closed-during-morning-rush-hour/V2IIEUPDGNBNPMJ4OXEQ5EWRKU/
