O le Aso Tofi o le vaiaso nei na amata tuli ai le fa’asalaga fa’afalepuipui o La’auli Magic Talata’ina ina ua lau le fa’aiuga a le Fa’amasinoga Maualuga i le fa’asalaga o lea tamā sa fa’amaonia ona moliaga e fitu e aofia ai le solitulafono o le fai’aiga faamalosi.

O lē ua fa’asalaina sa galue o se malu o le malo ma o solitulafono na tuua’ia ai na tutupu a’o galue fa’aleoleo, ma o se tama’ita’i leoleo na a’afia ai.

O Iulai o le tausaga nei ina ua mae’a ona su’esu’eina molimau na taunu’u ai le fa’amasinoga i lana fa’aiuga o le fa’amaonia uma o moliaga o La’auli Talataina.

E iva tausaga na amata ai le fua a le fa’amasinoga i le fa’asalaga i le falepuipui ae na to’esea le lua tausaga ma masina e ono ona o nisi o itu lelei mo lē ua nofosala.