Ua amata fa’aaoga le pasi fa’amalū fou e silia i le selau afe tala na fa’atau ai, mo le fe’aveai’ina o fanau a’oga a le afioaga o Tafua i Savai’i. Ua maua ai le paolo e malu ai fanau a le nu’u mai le loli e leai se fale sa fa’aaoga muamua e malaga ai fanau i le taeao ma toe momoli pe a tū’ua le a’oga.

O tupe mo le atina’e manuia o nu’u ma afio’aga o itumalo e ala i le poloketi miliona a le malo, na fa’atau ai le pasi fa’amalu fou, ma o se fuafuaga a le Fono Fa’avae a le itumalo palota o Fa’asaleleaga numera tasi lea o loo aofia ai le afioaga o Tafua.  

𝐏𝐀𝐒𝐈 𝐅𝐎𝐔 𝐌𝐎 𝐓𝐀𝐅𝐔𝐀 𝐓𝐀𝐈 𝐌𝐀𝐈 𝐋𝐄 𝐏𝐎𝐋Ō𝐊𝐄𝐓𝐈 𝐌𝐈𝐋𝐈𝐎𝐍𝐀.Photo: Government of Samoa
𝐏𝐀𝐒𝐈 𝐅𝐎𝐔 𝐌𝐎 𝐓𝐀𝐅𝐔𝐀 𝐓𝐀𝐈 𝐌𝐀𝐈 𝐋𝐄 𝐏𝐎𝐋Ō𝐊𝐄𝐓𝐈 𝐌𝐈𝐋𝐈𝐎𝐍𝐀.Photo: Government of Samoa

Se vaega o le saunoaga a le ta’ita’i o le malo le afioga i le palemia susuga Laaulialemalietoa Leuatea Polataivao Fosi i le sauniga na aloa’ia ai le amata fa’aaoga o le pasi fa’amalū mo fanau a’oga a le afioaga o Tafua. O le afio’aga o Falealupo sa faatau foi ia latou seleni o le poloketi miliona se pasi fa’amalū mo le fa’amoemoe lava e tasi o le fe’aveai ai o fanau i taimi o le a’oga. O Fepuari o le tausaga e 2023 na maua ai le pasi mo fanau a Falealupo o lona tau e 155 afe tālā.