E silia i le 800 drones a Ukraine na tafana i lalo e Lusia i le latou osofa’iga na faia i le po anapo ma ua faailoa e Lusia o se tasi lea o osofa’iga tele a Ukraine i lo latou atunuu ma a itiiiti mai pe to’a 6 ua maliliu ai.
Lipotia e le CNN ua faifaitetele fetauiga a itu e 2 i le taimi nei ma ua ta’ua o Ukraine ua faaopoopo ana osofa’iga e faaaogā ai drones ma e aga’i sa’o lava osofa’iga i le ogatotonugalemū o Lusia ma e mātele ina taula’i i le osofa’ia o warehouses poo fale teuoloa atoa ma nofoaga e gaosia ai oloa faapea ma vaega e iai suāuu.
Lipotia e le ‘aufaasalalau a Lusia o le osofa’iga mulimuli lea a Ukraine ia Lusia o se osofa’iga tele ma ua taula’i sa’o lava ia Moscow ma nofoaga o loo aumau ai le to’atele o tagata maumea o le atunuu.
Ua faailoa foi i lipoti o loo faaauau pea foi osofa’iga a Lusia ia Ukraine o lona uiga e lē o mailoa foi lava se umi o lea taua poo sona i’uga lata mai.
Puna o Faamatalaga: https://edition.cnn.com/2026/08/15/europe/russia-moscow-ukraine-air-attack-intl
