O loo teena e Tehran faamatalaga e faapea o loo latou talanoa ma Amerika.
Faailoa e Tehran i le CNN o le taimi nei ua pe ā ma le ta’i 50 pasene le avanoa o loo iai i se maliega i le va o Iran ma Oman i le matāupu e faatatau i le Strait of Hormuz ma e tatau ona oo atu i le Aso Faraile o le vaiaso nei ua maua se tonu o le matāupu.
Peita’i fai mai le sui minisita o le ofisa o le va i fafo a Iran o se maliega faapea e taunuu iai o le a lē okometi ai ona toe tatala lea ogasami.
I Lepanona o loo faaauau ai pea osofa’iga a Isaraelu ma ua mae’a foi talanoaga na faia i le va o Isaraelu ma Lepanona ae o loo faaauau pea osofa’iga.
O talanoaga i le va o Iran ma Oman ua lipotia e le CNN ua latalata ona maua le i’uga o le matāupu e faatatau i vaa e uia ane le Strait of Hormuz, a o aiaiga ma tuutuuga o lea maliega lea e tulituliloa e le to’atele.
Puna o Faamatalaga: https://edition.cnn.com/2026/08/05/world/live-news/iran-war-trump
