O le po taeao o le a amata aloa’ia ai le galuega fitā a le faia’oga ulu o le ‘au a le atunuu le All Blacks, ia Dave Rennie.
O nisi taaloga faitaulia, o lea o le a iloilo ai le All Blacks ma le ‘au a Farani.
O lea taaloga o le a faatino i Kalaiesetete e amata ai le taamilosaga o le Nations Championship.
Faamanino e Rennie, lona fiafia tele e tusa ma lana ulua’i galuega, faamatala foi le telē o le galuega ma le faanaunauga i le ‘au i tulaga o taaloga faavaomalo.
Ma o se matāfaioi aupito i tāua lea i le ta’ita’iina o le ‘au a le atunuu.
Ta’ua foi e Rennie, e le māmā ia te ia le ‘au a Farani e ui ua faailoa le to’atele o tagata lelei o le ‘au o le a lē taaalo, ae peita’i ua faailoa e le faia’oga ulu, o le a finau lava Farani e tusa lava pe lē o iai tagata malolosi o le ‘au ma e lē tatau ai ona faatalalē le All Blacks.
O le itula e 7 i le afiafi lea taaloga.
Puna o Faamatalaga: https://www.newstalkzb.co.nz/on-air/mike-hosking-breakfast/audio/dave-rennie-new-all-blacks-coach-ahead-of-his-first-test-at-the-helm-against-france/
