O le taunu’u mai o le folauga a le atunu’u i le faai’uga o lenei vaiaso o le tala lata mai i le ofisa va’aitau o loo iai pea savili malolosi o le tua’oloa o loo a’afia ai Samoa, ma fa’amalosia lapata’iga mo ōgāsami uma o le atunu’u.

O le tala lea o le tau mai le ‘afa o le 5 o le afiafi o le Aso Tofi, ae o lipoti o le afā o Xavier e pei ona fa’asalalau mai e le leitio a Niu Sila e oo mai ananafi ua fa’aitiitia lona malosi i le vaega 4 poo le category four ma lapata’iga o loo fa’atumau mo le itu i mātū o le atunu’u o le Atu Kuki.

O le malolosi o matagi afā o Xavier ua tu’uitiitia i le tusa ma le 175 kilomita le saoasaoa i le itula.

I Samoa e tusa o le tala o le tau i le afiafi o le Aso Tofi e iai pea le atunu’u i savili malolosi o le tuā’oloa se’ia o’o atu i le amataga o le vaiaso fou.