Ua le muta le agalelei o le fa’alapotopotoga fa’avae o le Yazaki Kizuna Foundation i le totogi o avanoa sikolasipi mo nisi o fanau a Samoa, ma faia foa’i o ta’avale mo nisi o fa’alapotopotoga tuma’oti, ae ua fa’alautele lima fesoasoani o lea fa’alapotopotoga i le fa’atupeina o le fausia o le nofoaga tutotonu o le asosi o tagata faipisinisi i le motu o Savai’i.
Ua maea ona umusa ma tatala lea nofoaga sa ave iai e le Yazaki Kizuna Foundation le 237 afe tala. E le gata i lea tupe tele sa fausia ai le nofoaga ae sa iai foi le sao o le asosi ma ona sui auai na oo ai le tau atoa o le galuega i le silia ma le 300 afe tālā.
Ua 15 nei tausaga talu ona fa’atūina le asosi o tagata faipisinisi a Savai’i ae o lea ua iai lona nofoaga autū e tapuvae tasi iai ana galuega ma isi fuafuaga fai mo le manuia o sui auai o le asosi o tagata faipisinisi o loo galulue e tautua Samoa o loo fa’amautū i le motu tele i Salafai.
Comments
Loading comments…