Ua silia i le 30 tausaga o le faigapa’aga a le malo o Samoa ma le malo o Le Atu Malesala poo Marshall Islands, ae o le taimi muamua lenei ua filifilia ai se sui o lea atunu’u e feagai ma mataupu i le va nonofo ai ma Samoa.

O mataupu e pei o suiga o le tau, va o malo, ma mataupu i le atina’e e galulue faatasi ai lo tatou malo ma ta’ita’i o lea atunu’u.

O le vaiaso nei na taua’ao ai i le afioga i le Ao o le Malo o Samoa tusi tauāloa o tofiga o le Amapasa o Le Atu Malesala mo Samoa lea ua filifilia iai Junior Aini e avea ma sui o lona malo i lo tatou atunu’u.