O le Matagaluega o Puna’oa Fa’alenatura ma Si’osi’omaga o le a fa’atautaia se poloketi e fa’atupe e le Fa’alapotopotoga o Atina’e a Malo Aufa’atasi le UNDP i le tau e silia i le lima miliona tālā tupe Amerika, ma e lima tausaga o le a fa’asoa mai lea tupe tele mo galuega o atina’e e puipuia ai le tamao’aiga o Samoa mai suiga o le tau.
O le masina lenei o Novema o lenei tausaga 2026 ua amata ai ona fa’agasolo galuega o lea poloketi e pei ona fa’ailoa i se fa’amatalaga fa’alauaitele mai le UNDP, ma o le a autū i le puipuia lelei o ‘ele’ele, la’au ma meaola o le si’osi’omaga fa’alenatura.
O se fesoasoani o le a a’oa’oina ai foi o tatou tagata i faiga ma auala ‘ese’ese e puipuia malu ai ia vaega taua o le tatou si’osi’omaga mai le fa’aleagaina ona o suiga o le tau. O le malo o Samoa ma le UNDP na sainia le faamautūina o lea fesoasoani.
Ua fa’ailoa le mae’a sainia ai o lea lagolago mo lo tatou atunu’u, a’o iai le usugafono a Samoa i le atunu’u o Take o loo ta’ita’ia e le afioga i le tama’ita’i sui palemia o lo’o folasia ai le lagolago a Samoa, i taumafaiga uma e sasa’a mai ai fesoasoani a malo mau’oloa ma malolosi tamao’aiga e faatupe atina’e o atunu’u lāiti e pei o Samoa ua a’afia, ona o suiga tetele o le tau e feso’otai i mala fa’alenatura e mafua i gaioiga o atina’e’ o tamao’aiga o atunu’;u malolosi o le lalolagi.
Comments
Loading comments…