Ua faaleo e le pelesetene o le Toomaga mo e Puapuagatia lana faafetai ile UNESCO ose auaunaga a malo aufaatasi e nate faia galuega e si’itia ai le itu i a’oa’oga, o tomai fa’asaienisi ma tū ma aganu’u i le amana’ia o se galuega fesoasoani i tinā ma fanau o Samoa e pei ona filifilia le To’omaga e na te maua le fa’ailogatupe e selau afe tālā Amerika ma le fa’ailoga o le Madanjeet Singh prize mo le taimi muamua.
I le saunoaga a le peresitene le afioga Muliagatele Siliniu Lina Chang i le taliaina o le fa’ailoga i le amataga o le vaiaso nei i le ofisa tutotonu o le UNESCO i le a’ai o Pale i le atunu’u o Farani, na ia fa’afetaia ai foi le malo o Samoa, le Matagaluega o Fa’amasinoga, ma le Matagaluega o Leoleo, Falepuipui ma le Toefuata’ina na latou fa’atū pe nominate le fa’alapotopotoga o le To’omaga e faia iai e filifiliga mo se na te maua le fa’ailoga fa’atasi ai ma le selau afe tālā amerika.
Comments
Loading comments…