E lata ile 25 afe tala le tau atoa o le poloketi moa-vao a le afio’aga o Tanugamanono ua auala mai i le taumafaiga a le sa avea ma faipule o Vaimauga 3 le afioga Taioaliiseu Fiti Aimaasu ma lona aiga, ae fa’atupe se vaega tele ile fesoasoani a Ausetalia ua faaigoaina o le Malo grant.

O lea tau atoa ua aofia ai le 18 afe tālā o le fesoasoani a lea malo, ma le isi vaega sa faatupe e le nu’u ma le fesoasoani a le fa’afeagaiga o le ekalesia fa’apotopotoga kerisiano Samoa i Tanugamanono.

O mea faigaluega ua aofia ai uilipaelo, moavao ma isi tōtōga na auala mai i le fesosoani a Ausetalia o le a faatino ai le moaina o le vao i luma maota o le nuu faapea le lotoa a le aoga tulagalua. O se galuega o le a mafai foi ona avea o se pisinisi e maua ai se seleni pe a oo ina manaomia e isi tagata.