O se vaiaso tāua lenei i le kalena faaletausaga a le Ekalesia Faapotopotoga Kerisiano Samoa mo lana kolisi faafaife’au i Malua, auā o le Aso Lua o lenei vaiaso ua amata ai le su’ega ulufale e sa’ili ai le vasega tausaga muamua mo Malua o le tausaga fou 2027.
O le fale mafutaga i Malua o loo faagasolo ai le su’ega mo i latou ua filifilia, ma e lē gata o alii o loo su’e i Samoa ae faapea foi i Niu Sila, Ausetalia, ma Amerika.
O le Feagaiga Tuai ma le Gagana Peletania o pepa ia ua amata ai le su’ega i le Aso Lua o lenei vaiaso, ae o le Aso Lulu le aso mulimuli o le a su’eina ai le pepa o le Feagaiga Fou.
O le su’ega ulufale mo le tausaga na te’a nei e to’a lusefuluiva na pasi.
O le faai’uga o le su’ega ulufale o lenei tausaga o le a faailoa e le kolisi faafaifeau i le taimi masani o le masina o Oketopa pe a tuana’i le Aso Sa o Tamaiti.
O le masina o Mati o le tausaga nei na amata ai ona su’eina i totonu o le kolisi faafaifeau i Malua le faailoga o le Doctor of Philosophy le PhD i le Matāupu Silisili ina ua pasia e le fonotele na usuia ia Me o le tausaga na te’a nei 2025.
