E to’atele tagata pepese ma tagata o atatifaga na amana’ia i lenei tausaga, i le vaega ua ta’ua o Disney Legends.
Ua patipatia lo latou sao i tulaga faafiafiaga poo entertainment i lalo o le kamupanī iloga ma le ta’uta’ua o le Walt Disney ua autausagā o tautuaina le atunuu e ala i ata tifaga.
Ma o lea na amana’ia ma patipatia ai le sao o le alo o Samoa le alii o Seiuli Dwyane The Rock Johnson, ma avea ai o ia ma le to’atele o Disney Legends 2026.
O le tasi ana uo mamae ma sē ua tele tausaga o la galulue faatasi, le tama’ita’i o Emily Blunt na faalauiloaina le alii o Seiuli, ma tauaaoina lana faailoga.
E lē gata i lana ata Jungle Cruise, ae ua lauiloa foi Seiuli i le Disney ona o lona leo o le tagata poo le character o Maui mo le ata tifaga o le Moana.
I lona taulimaina o lana faailoga, na ia saunoa ai i le ‘tāua o le amana’ia ae silisili atu ona tāua le agalelei i isi uso a tagata,’ o se faamanatu a le alii ta’uta’ua i le tatau ai i tagata ona agalelei le tasi i le isi.
O Seiuli e aofia i le 329 o tagata na amana’ia i lea po tāua o fiafiaga ma ata tifaga o le Disney o lenei tausaga e 2026.
Puna o Faamatalaga: https://www.firstpost.com/lifestyle/anne-hathaway-dwayne-johnson-jonas-brothers-among-11-named-disney-legends-14038680.html
Comments
Loading comments…