Ua silia i le 200 le ‘au maliliu i le mafui’e i Colombia ae o loo faaauau pea galuega lavea’i ma le sa’iliga o nisi e le’i maua.
Ua lapata’i ane Malo Aufaatasi e pei ona lipotia e le CNN o le a faigatā foi le tufatufaina o taumafa i nofoaga na aafia mo nai aso o lumana’i ai aemaise o le faigatā ona faamautū o le aofa’i o tagata o loo tau sa’ilia.
O le mafui’e e 7.4 lona malosi i le fua mafui’e na aafia ai le itu i Sisifo o Colombia ma ua faailoa ai e le faigāmalo ua iai nei le atunuu i se faalavelave faalenatura, ma ua taufai ofo atu fesoasoani a atunuu o le lalolagi ma o latou ta’ita’i.
O nisi o ata a le CNN ua faailoa ane ai le taimi na lavea’iina ai se pepe mai lalo o se nofoaga na solo i le faaitu o Cali.
Ua ta’ua i lipoti o loo faavavave gaioiga a le ‘au lavea’i ia taumafai e vave ona faaoo le fesoasoani i nisi e masalomia o loo tanumia i lalo o fale tetele na solo i le taimi o le mafui’e.
Puna o Faamatalaga: https://edition.cnn.com/2026/08/11/world/live-news/colombia-earthquake-latest
