Ua faailoa mai i su’esu’ega fou a le Ipsos Issues Monitor, le lagolagoina e le to’atele o le atunuu o le vaega faaupufai a le Labour; ua faailoa ai e sili atu ona malamalama ma lagona e le Labour matāupu o loo laualuga nei, ma e latou te mafaia ona fetuuna’i ma faatonutonu lelei fuafuaga ma faatinoga e fesoasoni ai i nisi o faafitauli o loo fetaia’i ma le atunuu i lenei vaitau.
O ia matāupu e aofia ai le taugatā tele o le soifuaga, o auaunaga tau soifua mālōlōina ma maota gasegase, o le tamaoaiga, o tulaga i le tau o fale, ma le maualuga o le numera o tagata e lē o iai ni galuega.
Ma i ripoti a le Leitio Faavaomalo a Niu Sila, i lea sa’ili’ilga na māua ai e silia ma le to’a afe tagata Niu Sila, na faaali manatu i nei matāupu.
Faamauina o lea ua lilifa manatu o tagatānuu i le Leipa, ma faapea ua sili atu ona talitonuina nai lo o le National e tula’i mai e faafoefoeina lelei le malo, aemaise le tamaoaiga, ma tulaga o le soifua mālōlōina ma fale e malu ai o tatou tagata.
Ae faaalia o loo faatumauina pea le lilifa o le tilotilo o tagata i le vaega faaupufai a le National, i matāupu tau i solitulafono ma le puipuiga.
Ta’ua e lē o malosi se lagolago i le malo i le taimi nei, ma e mai i le numera o tagata na faaali manatu, o le to’atele lava na faailo e na o le 4.1 mai le 10 le numera e faamatala ai tulaga o iai le malo.
Puna o Faamataalaga: https://www.rnz.co.nz/news/politics/848032/labour-considered-most-capable-of-managing-new-zealanders-top-five-concerns-survey
