Ua faalauiloa mai nei le agai o le Hato Hone St John e tatala a latou laina telefoni; mo faalavelave tutupu faafuase’i ina ua maitauina le toatele o tagata e vili atu le111 mo fesoasoani.
Ta’ua le maualuga o le numera o tagata e vili atu mo fesoasoani, e pei ona o latou faaalia le oo atu lea i le 2,562 valaau e oo atu i totonu o le aso e tasi; ma avea ai ma se taimi pisi lea i le auaunaga, e tali atu i faalavelave tutupu mai.
Ta’ua i faamaumauga, o le tele o taimi pe tusa ma le 1,900 valaau e oo atu i le aso peitai ua tauau ina faaluaina lea numera.
Māua pe ta’i 20 sekone ma tali e le ‘au tali telefoni ona o le pisi mai o valaau a tagata lautele, ma o se matati’a le tele mai o valaau mo ni fesoasoani.
O le lona tolu lea o taimi i totonu o le vaiaso e tasi ua solia ai le fa’amaumauga o telefoni i le aso.
Ta’ua e le St John e 2,404 valaau na oo atu i le Aso Gafua, ae 2,454 i le Aso Tofi. Ae na faaalia foi e le auaunaga o faalavelave tutupu faafuasei, o aafiaga i le malūlū mai o le ta’u, i lo latou iloa o le isi lea o mafuaga ua toatele ai i latou o loo moomia ni fesoasoani faafoma’i.
Faailo e oo mai i le aoauli o le Aso Sa, ua silia ma le 15,200 valaau na oo atu, ma māua e le St John i totonu o le vaiaso.
Ua fautuaina le mamalu o le atunuu ina ia fa’aauau ona fa’aoga le 111 mo fa’alavelave ogaoga.
Ae mo gasegase e lē o i se tulaga ogaoga, o loo fautuaina tagata e faaafesootai a latou foma’i, Healthline.
Puna o Faamtalaga: https://www.stuff.co.nz/nz-news/361017877/call-every-20-seconds-st-john-activates-emergency-operations-centre-after-busiest-day-history
