Ua faamaonia mai nei e leoleo le maliu ai o se alii na maua atu e sui o le auaunaga i totonu o le vaomatua i Rotehu i Bay of Plenty.
Faamauina i ripoti mai le leitio faavaomalo a Niu Sila o lē ua maliu e suafa ia Harry Burlace, e 24 tausaga le matua, ma e ta’ua na maua atu e leoleo lea alii i le vaomatua o loo iai i se tulaga tigāina, e faamatalaina e fai lava sina ogaoga o ona manu’aga.
Ua faamanino mai na maua e leoleo Harry i le po o le Aso Faraile poo e 15 minute e te’a ai le itula e 10 i le po.
Na avatu faanatinati lē na aafia i le falema’i i Rotorua mo togafitiga, peita’i na maliu lea alii i le falema’i se taimi mulimuli ane, o le tugā tele o manu’aga o lea tagata na maliu ai.
Ta’ua e le susuga i le Leoleo Satini Sinia, Detective Senior Sergeant Natalie Flowerdew-Brown, o loo faasolo iloiloga ma su’esu’ega a le auaunaga i lea matāupu, sa’ili faamatalaga e tusa ai ma le māfua’aga na aafia ai le alii 24 tausaga.
Puna o Faamatalaga: https://www.rnz.co.nz/news/crime-and-justice/870135/man-dies-after-being-found-critically-hurt-in-rotoehu-forest
