O le tagata Nigeria e faatino ana auaunaga i luga o le social media, poo le social media influencer e iai ona sootaga i se vaega o loo faagaioia le feavea’iina o fuālaau faasāina, ua pu’eina nei e leoleo ina ua maua e leoleo le lata i le $28 miliona o le tau aofa’i o le cocaine na maua ua sauni mo le aveina atu i le United Kingdom poo le UK.
O Afolabi Kazeem Micheal na taofia i se malae vaalele i Lagos i le vaiaso talu ai a o sauni e faimalaga i Paris, o le faamatalaga lea mai le ‘au su’esu’e.
E 49 tausaga o Afolabi ma e iloa foi i le isi ona igoa o KC Luxury lea e iloa tele ai e i latou o loo mulimulita’i iai i le social media.
O le mau a leoleo o ia tonu lea o loo faaulu iai le feavea’iina o le cocaine mai Amerika i Saute aga’i i Nigeria ma Europa ma Asia.
Faailoa i faamatalaga mai le National Drug Law Enforcement Agency e 184.5 kilo o le cocaine na maua o nanā i se nofoaga o se courier i Lagos i le aso 3 o Aokuso ma e foliga o Nigeria lea e faaui ane ai fuālaau faasāina e faaagaga mo le UK ma isi nofoaga o Europa ma le Atu Asia.
Puna o Faamatalaga: https://www.bbc.com/news/articles/c1e155428qyo
