Ua faaalia e lē sa avea ma sui o le Manu Samoa, faapea le kalapu a Bristol Bears, Chris Vui, lona faanoanoa tele, ina ua faamautū e le Court of Arbitration for Sport le faaauau ai o lona faasalaga e fā tausaga ona o se matāupu tau i vailaau faasāina.
Na maua le alii o Vui i le tausaga e 2023 i le mae’a o se iloiloga i vailaau ma fuålaau a o lumana’i ai le Ipu o le Lalolagi ma o lea na faasala ai loa o ia mo le 4 tausaga.
O loo tumau pea le finau a Chris Vui e na te le’i faia ma le mautinoa pe intentionally lona faaaogāina o steroids, e pei ona tuua’ia ai o ia, ae na faailoa e le alii o lona talitonuga sa aafia lona tagata mai se fuālaau poo supplements na ia inuina.
Na ia faailoa foi popolega i le tuai o su’esu’ega i le fale su’esu’e, peita’i na faailoa e le faamasinoga e lē avea ia tulaga e suia ai lona aafiaga o iai nei.
Na faamanino e le alii 33 tausaga le matua, e pau le tulaga o le a ia tilotilo iai i lenei taimi o le tapenapena ai o ia mo le toe ofi atu i le taaloga pe a mae’a lana faasalaga i le tausaga fou.
Puna o Faamatalaga: https://www.bbc.com/sport/rugby-union/articles/cq616nejy6po
