O le faai’uga o le vaiaso nei e amatalia ai ni taaloga se tolu i le taamilosaga o le taaloga netipolo o le a feiloa’i ai le ‘au malosi a tama’ita’i mai Ausetalia le Australia Pathways ma le ‘au netipolo a tama’ita’i Samoa le Tifaimoana.
O se taamilosaga o le a avea ma avanoa lelei e fili ai se ‘au a le Tifaimoana e sauni i le taamilosaga sa’ili avanoa a atunuu o le Oceania, e sa’ili ai ni ‘au netipolo e tausiniō i le taamilosaga o le Ipu a le Lalolagi i le tausaga fou lea e talimalo ai le atunuu o Tonga.
O taaloga i le faai’uga o le vaiaso i le va o le Tifaimoana ma le Australia Pathways o le a faia i le faletaalo o le Multipurpose gym i Tuanaimato.
O le amataga o le vaiaso na faafeiloa’i ai le ‘au masii mai Ausetalia i se ‘ava o le feiloa’iga sa faia i le Maota Samoa o le pulega o tagata tafafao mai fafo.
