Ua faataunuu nei le filifilia o Minisita fou e to’atolu o le faigāmalo a Tonga ina ua faamaonia i le vaiaso talu ai le faamālōlō o minisita e to’alua sa iai ona o aafiaga i faiga faatosina i le palota, bribery.
O le isi Minisita fou o Tevita Puloka mai Tongatapu, ua suitulaga ia Semisi Sika mai Tonagatapu foi.
O le isi Minisita fou o Vika Simoki Lavemaau ua suitulaga ia Lata Tangimana lea ua faamaonia moliaga o faiga faatosina i le palota talu ai a le atunuu.
and his wife. Photo: Prime Minister’s Office
Photo: Prime Minister’s Office
Ua iai ma nisi fetuuna’iga ua faia ua faaopoopo ai ma le portfolio mo lē sa avea ma Palemia muamua o le atunuu, Huakavameiliku Siaosi Sovaleni lea ua tuu iai ma le Matāgaluega o Tulisi.
O Dr Siale Akauola ua avea ma Minisita fou o le Soifua Mālōlōina.
O le faavae o le Malo o Tonga e faataga ai le Palemia ona ia tofia le oo atu i le 4 o Minisita o le Kapeneta mai fafo atu o le Palemene.
Ua faailoa e le Palemia o Lord Fakafanua, o le to’atolu fou lea ua filifilia o le a faatautō i le Aso Lua o le vaiaso nei.
Puna o Faamatalaga: https://www.rnz.co.nz/news/pacific/1026654/tonga-government-appoints-three-new-ministers
