Talu mai le faalavelave i le vaiaso talu ai i Thailand lea na maliliu ai tagata e to’a 8 ma le tamaitiiti e 14 tausaga le matua, lea na toe fana e ia ia lava, ua faailoa e le faigāmalo ua faamalosia ana tulafono i le matāupu tau i ‘au’upega aemaise i fana ma pemita e mafai ai ona umia sea ‘au’upega.
Ua lipotia e le CNN i le vaiaso nei faamatalaga mai le Palemia o le atunuu o Anutin Charnvirakul ua faia sana faatonuga i sui o le malo ina ia silasila toto’a i tulafono tau le puleaina o fana ma ia faia gaioiga talafeagai mo le puipuiga o soo se tagata.
Ua faamalosia foi le asiasia e ofisa o le malo o matāupu e faatatau ia i latou e umia fana ia faamautinoa o loo tausisia tulafono.
Ua faailoa e tasi le miliona tupe Iapani ua ioeina e faamatuu atu mo aiga o i latou e to’aono ua maliliu.
Fai mai faamatalaga na muamua fasioti e le 14 tausaga lea nai ona grandparents i lo fale lea e nofo ai ma ia, aga’i ane loa i le a’oga ma faaoo le oti i tagata e to’aono ma mulia’i ai toe fana e ia o ia lava i le faalavelave lea i le Aso Faraile talu ai.
Puna o Faamatalaga: https://edition.cnn.com/2026/08/11/asia/thailand-tightens-gun-control-school-shooting-intl-hnk
