Na faate’ia le to’atele o tagatānuu i faaitu o Te Araroa, i le lūlū ai o se mafui’e i le po o le Aso Toona’i talu ai, poo le 3 minute e te’a ai le ‘afa o le itula e 8.
Faamauina e silia ma le 5,000 tagata na faailo lo latou faalogoina o lea mafui’e,
Ta’ua i ripoti, e 5.7 le malosi o le mafui’e pe ā ma le 40 kilomita le loloto.
Maitauina le toe faalogoina o le toe lūlū ai mo sina taimi i le mae’a o le ulua’i mafui’e poo aftershocks.
I ripoti, o le 3 ai lea o mafui’e ua lipotia mai i le atunuu, i totonu o le vaiaso, e pei ona faamauina e oo atu foi i le 5 le malolosi.
Fautuaina e le GeoNet ma le vaega a le Civil Defence tagata uma ina ia māta’itūina lelei le saogalemu i taimi e lūlū ai se mafui’e, ma faatino vaega uma o le puipuia mai ai o i latou mai le aafia, a o nonofo latalata i le matāfaga, ina ia vave oese ae aga’i atu i nofoaga maualuluga.
Puna o Faamatalaga: https://www.nzherald.co.nz/nz/magnitude-57-quake-near-te-araroa-latest-in-shaky-weekend-for-new-zealand/23SR3FSWORBMXGIJPFGTSOKKJ4/
