O le aso 27 o le masina nei lea ua faatulaga o le a folasia ai loa le i’uga o le referendum poo se fesili faapalota e faaaliga ai finagalo o tagata e faatatau i le tuto’atasi o Bougainville mai pulega a Papua Niu Kini.
I le mae’a o le tele o le mau masina ona o le lē mautonu ua mae’a foia le faafitauli i le va o atunuu e lua ma faatino ai le referendum, lea la o le a faailoa lona faai’uga i le aso 27 o le masina nei.
Ua lipotia e le RNZ o le a folasia ai foi ma faamaumauga e faatatau i faatalanoaga sa faia talu ona tau tuufaatasia mai le referendum ma o le a faamautū e ta’ita’i o atunuu e lua se aso o le a faia ai le palota a le Palemene i le i’uga o le referendum.
Ua loa tausaga o faatalanoa pea lenei matāupu i le tuto’atasi o Bougainville ma ua saunoa James Marape le Palemia o Papua, e faalagolago lava tulaga uma i le faailoa ai e Bougainville o le mafai ona faalagolago ia i latou lava i le itu tau tupe ma le tamaoaiga, faatumauina o le nofo filemu ma le soifua manuia, atoa ai ma le faamutaina o vevesi ma fevaevaea’iga i lo latou motu.
Puna o Faamatalaga: https://www.rnz.co.nz/news/pacific/902983/bougainville-and-papua-new-guinea-decide-on-date-for-referendum-result-to-be-tabled
