Ua faalauiloa e le New Zealand Defence Force se polokalame fou e a’oa’o ai fitafita i le fausia, faaleleia ma le faaaogāina o drones e tauala mai i auala faatekonolosi ua ta’ua o le 3D-printing technology.
E 3 vaiaso o lenei polokalame, ma o loo a’oa’oina ai fitafita i le auala e mafai ai ona faaaogā ma toe faaleleia drones i nofoaga o loo faia ai galuega faamiliteri.
O le tele o a’oa’oga o le a taulaʻi i le māta’itūina ma le aoina o faamatalaga, peita’i ua faailoa mai e le Defence Force o loo aofia ai foi a’oa’oga e faatatau i le faaaogāina o drones i tulaga o taua.
Na saunoa Lieutenant Colonel Jerry Mateparae, ua avea drones ma vaega tāua o taua i aso nei, ma o le polokalame ua fuafuaina e tapena ai le Defence Force, e faamausalī ai tulaga o tapenaga uma mo le lumana’i.
Faamanino mai le aga’i o le NZ Defence Force o loo iai fuafuaga e faaalu le oo atu i le selau miliona tālā i drones i totonu o le isi tolu tausaga.
Faamauina o le polokalame na faavae mai i se polokalame a le Vaegā’au a Ausetalia, poo le Australian Army, ma o loo iai sui o le vaegā’au, o faia’oga o lea matātā a Ausetalia i Niu Sila nei, mo le faatautaiga o nei polokalame faalea’oa’oga.
Puna o Faamatalaga: https://www.rnz.co.nz/news/science-and-technology/1042232/defence-force-launches-new-drone-training-programme
