O se faamasino i New Mexico i Amerika na faia le faai’uga i le vaiaso nei ua faatonuina ai le kamupani a le Meta e totogi le $567 miliona ona o lona lē mafai ona lapata’ia tagata lautele e faatatau i lamatiaga o le fanau mai le auaunaga.
Ua faamauina o se tasi lea o faai’uga tele ua faia i se kamupani e māfua ona o le saogalemu o le tamaitiiti.
Ua faailoa e le faamasino o Bryan Bledcheid, o le social media giant lea ua avea ma faasoesa ma e tatau ona tuuina tupe mo le faaitiitia o nisi aafiaga i le lumana’i.
O le faai’uga ua faia e faaopoopo atu i le isi $375 miliona o faasalaga poo fines o loo ua totogi nei i le Meta i le matāupu lea, o lona uiga ua silia i le 900 miliona le faasalaga atoa.
Lipotia i le BBC se finagalo faaalia o le sooupu a le Meta, latou te lē o malilie i le faai’uga mai le faamasinoga ma o le a apili.
E tele isi matāupu faapea foi o loo aafia ai le Meta mai isi setete o Amerika.
O le Meta latou te umia ma faagaioia auaunaga e pei o le Instagram, Facebook, Whatsapp ma le Threads.
Puna o Faamatalaga: https://www.bbc.com/news/articles/cd7lz3wr2rlo
