O tagata Niu Sila e iai pito Aialani ua lipotia i le RNZ o loo feagai ma lu’itau i le faia o tusifolau ona o le maualuga o le aofa’i o talosaga ua māfua ona o tulafono fou tau tuaoi a Peretania faapea le Brexit.
Fai mai le RNZ o i latou e ta’i lua sitiseni (dual citizens), o loo umi se taimi e faatali ai, e lē o iai ni faamanatu ma ni fesoota’iga mai le ofisa o femalagaa’iga ae o nisi taimi e lē taunuu tusifolau i totonu o le taimi o loo mana’omia ai mo faigāmalaga.
O loo faailoa i le lipoti lea o tagata Peretania e ta’i lua sitiseni (dual citizens) sa faatonuina e faaaogā tusifolau UK pe a toe foi atu i le atunuu.
O lona uiga foi la o sitiseni o Aialani e lua atunuu e sitiseni ai e mana’omia ai foi se tusifolau Aialani e faimalaga ai foi i Peretania.
E eseese faitioga ma faaseā a tagata i le matāupu ae ua faamaonia le siitia o le aofa’i o tagata Aialani e talosaga mo tusifolau.
Puna o Faamatalaga: https://www.rnz.co.nz/news/community/969680/perfect-storm-irish-passport-demand-uk-border-rules-create-travel-woes
