E fai si malosi o le mālūlū o loo aafia ai nei le isi ‘afa o Ausetalia lea ua lipotia e aafia ai setete e fā i le faasolo atu i le faai’uga o le vaiaso.
O se vaega o uiga vaivai o le tau mai le faasi’usi’uga o le Anetatika lea o loo aga’i ane i le silia ma le 4 afe kilomita i le itu i Saute o Ausetalia.
Ua lapata’i mai le vaaitau o le a faateteleina ai le mālūlū i le Southern Ocean ma e faatetele i le Aso Toona’i aga’i i le Aso Gafua o le vaiaso fou.
O loo fautuaina foi Ausetalia i Sisifo o le a aafia i timuga ma faititili i le po ananei ae loulouā foi le tau mo Perth.
O Ausetalia i Saute le isi setete e aafia foi i le mālūlū ma timuga i le aga atu i le faai’uga o le vaiaso.
E aofia atu ai ma Niu Sa Uelese, Vitoria ma Kuiniselani ma ua lapata’ia foi ia setete uma e ono aafia foi i matagi malolosi ma lōlōga i nisi vaega.
Puna o Faamatalaga: https://www.nine.com.au/australia-news/intense-cold-spell-australia-weather-forecast-20260806-p60lzw.html
