A o sauni le ‘aulakapi o le Manu Samoa i lana ulua’i taaloga o le taamilosaga o le World Rugby Nations Cup i le faai’uga o le vaiaso nei lea o le a muamua taaalo ai ma le ‘aulakapi a Hong Kong, o le Aso Toona’i na te’a nei i le taaloga ma le ‘au sefululima filifilia a le atunuu o Chile na manumalo ai Samoa i ‘ai e 45 i le 15 a Chile.
O se taaloga ua faaalia e le ta’ita’i malaga ia Su’a Hesed Heremia sa maua ai le avanoa o tama uma o le ‘au a le atunuu e taaalo ma maua ai isi tapenaga lelei mo le sauni atu i le taamilosaga e pei ona tuua ai Samoa e lana ‘aulakapi o le Manu Samoa.
Le ta’ita’i malaga o le Manu Samoa afioga Su’a Hesed Ieremia o loo i le atunuu o Chile ma le ‘aulakapi a le atunuu mo le taamilosaga o le World Rugby Nations Cup.
