O le a talimalo le St Clair Beach i Dunedin i se taamilosaga o le World Surf League Qualifying Series ia Mati o le tausaga fou.
O le a avea lea taamilosaga poo le Dunedin Pro ma se tasi o vaega o le tauvaga ua ta’ua o le WSL Junior Pro Competition, ma e tusa ma le 200 tagata faasee poo surfers o loo faamoemoe e auai i lea tauvaga mo le vaiaso atoa.
Na ta’ua e le sui o le World Surf League, Ty Sorati, o le manuia o taumafaiga i le World Surf League Championship Tour na faia i Raglan i le amataga o lenei tausaga, na fesoasoani tele lea e faamausalī tulaga o Dunedin e talimalo i lea tauvaga.
O lenei taamilosaga poo le qualifying series e tāua tele ona o se vaega e saofagā atu ai mo taamilosaga tetele a le lalolagi.
O loo lagolagoina le faamoemoe e le Dunedin City Council, ma o loo fuafua e tusa ma le 4 miliona tālā le tupe maua mai i lenei tauvaga o le a mafai ona tului i le tamaoaiga o lenei itumalo.
Puna o Faamatalaga: https://www.rnz.co.nz/news/sport/1022113/dunedin-to-host-world-surf-league-qualifier
