O le Palemia o Tonga ma le tama’ita’i purinisese o Angelika Latufuipeka Tukuaho sa auai faatasi ai i le faamanatuina o le 300 o taaloga a le alii o Jason Taumalolo i le lakapi liki.
O le taaloga i le faai’uga o le vaiaso na te’a nei i Kuiniselani na malo ai le Cowboys i le Penrith Panthers i ‘ai e 26-12.
Saunoa Lord Fakafanua i le lipoti a le RNZ o lo la auai e faailoa ai le faatāua ma le faaaloalo i le taleni a lea foi alo o le atunuu ma o se taimi tāua mo le malo o Tonga.
Faatāua e le alii Palemia le faai’uga na fai a Taumalolo e taalo ai mo Tonga aemaise lava i le Ipu o le Lalolagi i le 2017 na ia teena ai le ofo a Niu Sila ae taalo mo lona atunuu ma amata gasolo atu ai le to’atele o isi tama taaalo iloga a Tonga e taaalo mo le atunuu.
Puna o Faamatalaga: https://www.rnz.co.nz/news/pacific/641130/tongan-leadership-celebrates-taumalolo-s-historic-300th-nrl-appearance
