I le amata ai o le savaliga o le masina lenei o Aokuso ma le aga atu i lenei vaitau mālūlū, o lea na māua i ripoti ma faamaumauga a le auaunaga o le vaaitau poo le MetService le malosi ma le maualuga o tulaga o le mālūlū i le po o le Aso Lulu, ma le talitonuga o le a faapea foi le aga’i atu i le po o le Aso Tofi o nanei lea.
O nisi o vaega o Aukilani e aofia ai le Malae Vaalele i Aukilani ma Whenuapai e ono pa’ū ai le tulaga o le mafanafana mai le 2 tikeri i lalo ifo o le 0, ae o Waikato e ono oo atu i le fā tikeri i lalo ifo o le 0, ma e ono oo atu i le sefulu tikeri i lalo ifo o le 0 i nisi o vaega o South Island.
Faamanino e le sui o le vaaitau John Law, o fetaia’iga o le ea mālūlū, o matagi e agi mālie mai ma le lagilelei o le tau, o le a molimauina ai tulaga o le pa’ū o le kiona ma ‘aisā ai luga o auala i le taeao.
Ua fautuaina ai avetaavale ina ia faaeteete i luga o le aualatele i le feoa’i atu ai.
Ua faailoa mai e le Transpower le maualuga o le faaaogāina o le eletise, o se taimi muamua lea ua vaaia ai le maualuga o le eletise e tagata, ma ua faamauina le to’atele o tagata o loo moomia lea vaega tāua, ma o loo taumafai malosi e faasoasoa atu le malosi’aga o le eletise i tagata lautele a o tālia ai tulaga mālūlū lea foi o le a maitauina le faalogoina i le taeao o le Aso Faraile.
Puna o Faamatalaga: https://www.nzherald.co.nz/nz/coldest-night-of-year-auckland-could-hit-2c-south-island-10c/ACICPHZUR5AK7DQOBFUPIU4F44/
