Ua faamanino mai nei e le Faalapotopotoga Si’isi’i U’amea Mamafa- Weightlifting New Zealand, le tuuina mai o le le lagolago i sui taaalo pasefika a le atunuu o loo taaalo i le taaloga si’isi’i u’amea mamafa, o ē o loo fesoasoani tele i le atinaa’e o lea ta’aloga i Niu Sila, aemaise i tulaga o taaloga faavaomalo.
Faamatala e le Peresitene o le fa’alapotopotoga, Simon Kent, e pei na mapuna a’e lea manatu ina ua va’aia e ia le manumalo o Samoa i pine auro e tolu i le taaloga o Malo o le Taupulega, poo le Commonwealth Games i le tausaga 2010.
Ta’ua e Kent, a lona iloa ma lana talitonuga e mafai telē e Niu Sila ona lagolagoina tupulaga Pasefika aemaise i latou mai le faaitu o South Auckland, o itupito e faigata lava ona maua se avanoa i alagao’a ma tulaga o a’oa’oga mo ia taaloga.
I le taimi nei, o le to’afā sui taaalo a Niu Sila i lea taaloga mo le Commonwealth Games i Glasgow o e iai faasinomaga mai atunu’u o le Pasefika.
Faaalia le tele o tagatanuu e iai faasinomaga Pasefika, peita’i e mana’omia pea le tele o tupe ma nofoaga lelei mo toleniga ina ia mafai ai ona ausia tulaga maualuluga i ta’aloga fa’avaomalo.
O loo iai le faanaunauga o le a fesoasoani tele taunuuga mai ia taaloga o le Taupulega i ia latou faamoemoega uma aemaise o tapenaga mo le agai atu i taaloga o le Olimipeka
Puna o Faamatalaga: https://www.rnz.co.nz/news/sport/684448/finding-the-strength-new-zealand-s-16-year-weightlifting-journey
