Ua folafola e le palemia o le Atu Solomona, Matthew Wale, ua amata nei le iloiloga o le maliega tau le puipuiga a lona atunuu ma Saina. Fai mai le palemia pei ona lipotia i le RNZ Pacific o loo faataga ia ona faitau le maliega o le 2022 i le mae’a o le aso e tasi na faia ai le fonotaga aloaia i Canberra i le masina o Me o le tausaga nei lava ae faatoa mae’a tofia o ia e fai ma palemia.

Na faailoa e le alii palemia e lelei ona faalauiloa tulaga o faamauauga o le maliega lea i lea taimi a o avea o ia ma ta’ita’i o le itu agai ae e le tatau ona toe tupu lea tulaga.

Advertisement

Ua ia valaau ai loa i le ta’ita’i o le itu agai i le taimi nei, o Manasseh Sogavare lea foi sa palemia talu ai, ina ia lagolago atu i le iloiloga.

Fai mai le palemia e lē tatau ona toe iai ni mea faalilolilo i maliega e aofia ai le atunuu ma ia ta’ua ai foi o Saina e tumau pea ona avea o se paaga tāua a lona atunuu ae o le faanaunauga o le atu Solomona e uo ma tagata uma ae le o se fili o se tasi.

Puna o Faamatalaga: https://www.rnz.co.nz/news/pacific/951604/solomon-islands-pm-urges-no-more-secrecy-over-treaties-with-other-countries