E 950 afe tālā Samoa le fesoasoani a le iuni lakapi a le atunuu o Farani mo le umi e lua tausaga, o loo lagolago ai i le faaleleia o le taaloga lakapi i Samoa ma atunuu o Fiti ma Tonga.
Ua faailoa e le ofisa o le Amepasa o le malo o Farani lea fesoasoani i le mae’a ai o se a’oa’oga sa faia i Fiti sa malaga iai sui mai le Lakapi Samoa, sa faatasi ai ma sui o iuni lakapi a Tonga ma Fiti.
O se a’oa’oga e pei ona faailoa i se pepa o faamatalaga e saga una’ia ai le lelei o le lakapi ma faamaopoopo le tulaga auai o tama’ita’i i le taaloga.
Ua faailoa lea polokalame faalea’oa’oga sa auai sui o le taaloga lakapi i Samoa, ma le tapena ai o le Lakapi Samoa i le fono a atunuu o le Pasefika o loo lotolotoi i le taaloga e faia i Apia i le Aso Tofi ma le Aso Faraile o le vaiaso nei.
O se faatasiga o le a auai ma sui o le pulega o le taaloga lakapi i le lalolagi.
Faaalia e se molimau o se fonotaga e faatalanoa ai matāupu e aga’i i le atina’e o le lakapi i lenei itu o le lalolagi, ae o le a taumafai e faatalanoa ai ma le tulaga o loo aafia ai le lotoifale o le pulega o le lakapi i Samoa.
