Ua fautuaina e le faamasinoga le tamā o Laulala e 66 tausaga le matua o le soifua mai Vaitele Fou, e sa’ili sana loia e tula’i mo ia ona e matuiā moliaga a leoleo o loo molia ai.
O Laulala o loo tuua’ia i le fano o le soifua o se alii talavou 20 ma ona tupu tausaga le matua i se gaioiga na umia ai e lē ua molia se ‘au’upega o se laaumalosi.
Na faamanu’alia ai ma se isi taule’ale’a talavou i le gaioiga a le tamā 66 tausaga ua molia.
O le vaiaso fou e toe tula’i ai i le faamasinoga lea tamā ma o le avanoa lea mo leoleo e faamautū ai a latou moliaga.
