Ua iai atumotu o le Pasefika ua lipotia ua auai faatasi ma le malo tele o Amerika i le tuua’ia o Saina i le matāupu e faatatau i ana faata’ita’iga faaniukilia na faia i le Pasefika i se taimi e le’i mamao atu.
O se lipoti a le RNZ Pacific i le asō ua ta’ua ai se pepa o faamatalaga fai faatasi a le malo tele ma atumotu ia ua faailoa ai i le aso 11 o le masina lenei o Aokuso, ua faailoa ai e itiiti ifo i le 24 itula le taimi na faailoa ai e Saina i le lalolagi ana faata’ita’iga na faia i ogasami o le Vasa Pasefika, e lata i Tuvalu i le amataga o Iulai.
O loo saini ai ma atunuu e 4 mai le Pacific Island Forum e aofia ai Niu Sila, Ausetalia, Marshall Islands ma Palau.
O le fonotaga talu ai a Minisita o le Va i Fafo a le Pacific Island Forum e le’i tuuina ane ai se faamatalaga e uiga i le matāupu lea peita’i la o lea ua agiga i le vaiaso nei le pepa o faamatalaga.
Ua faailoa i le lipoti e tele atunuu o le Pasefika sa faaleo popolega i faata’ita’iga ia a Saina i le Pasefika ae o isi atunuu e pei e mumusu e lafo uma le faaseā ia Saina.
O se tasi lipoti o loo ta’ua ai le tutumau pea o Saina i lana mau sa mulimulita’ia lava tulafono faavaomalo e tusa o ia tulaga.
Puna o Faamatalaga: https://www.rnz.co.nz/news/pacific/991615/us-and-several-pacific-countries-hit-out-at-chinese-nuclear-missile-test-after-pif-misses-chance
