Ua faamaonia mai nei le mafai ai ona nonofo o se tamaitiiti ma sona tuafafine mai Amerika i totonu o Niu Sila e ala i tulaga o sulufa’iga poo le asylum, ina ua mae’a se iloiloga o tulaga tau puipuiga mo ia fanau.
Faailoa mai faamaumauga a le malo, e silia ma le 20 tagata Amerika ua talosaga mo asylum i Niu Sila talu mai le 2020.
O ia fanau e faapea o ni tagatānuu o Amerika ma Ioritana, ma na talia a laua talosaga ona o popolega i lo la saogalemū pe afai e toe auina atu i Ioritana.
Ta’ua i ripoti mai le leitio faavaomalo a Niu Sila, e le’i mamao atu ona talia le talosaga a lo la tinā, o se tama’ita’i mai Ioritana, ona o ni matāupu tau i sauāga i totonu o aiga na aafia ai.
Ta’ua e le Immigration and Protection Tribunal o latou popolega i le ono toe faafoi atu o nei fanau i Ioritana, i lalo o le vaavaaiga a lo la tamā lea na sosola ese mai ai ona o le sauā tele.
Peita’i, o le tele o isi talosaga a tagata Amerika mo asylum i Niu Sila ua teena.
O nisi o ia talosaga na faavae i popolega e uiga i fana ma sauāga, feeseesea’iga faapolokiki, suiga o le si’osi’omaga ma le Koviti-19.
Puna o Faamatalaga: https://www.rnz.co.nz/news/world/1055669/us-siblings-become-nz-refugees-as-more-than-20-americans-claim-asylum
