Ua amata faagasolo polokalame o le faamanatuina o le Iupeli Auro poo le atoaga o le 50 tausaga talu ona faavae le sosaiete a loia i Samoa, o se faalapotopotoga ua auai alii ma tama’ita’i o le atunuu o loo galulue i le tomai faaloia.
Ua faailoga ia tausaga e tele e le sosaiete ma manatua ai i latou sa amatamea i le faatūina o le sosaiete, ma o nisi ua fai i lagi le folauga.
O le tatalaina o polokalame o le 50 tausaga o le sosaiete a loia Samoa sa auai le ta’ita’i o le malo le afioga i le Palemia, ma nisi o ta’ita’i o le malo faapea malo valaaulia.
O le Aso Faraile le faai’uga o lenei vaiaso o loo faia ai se taamilosaga o le taaloga tapolo o se tasi o polokalame o le Iupeli Auro, ae Aso Toona’i o le fiafia tele e sami ai le aso fanau o le sosaiete.
O le a faaauau polokalame o le 50 tausaga i le vaiaso fou lea o le a auai loia uma faapea ma alii ma tama’ita’i faamasino o le Faamasinoga Faaitumalo ma le Faamasinoga Maualuga a le atunuu.
