Ua lipotia mai nei le faalēaogāina po ua lē faataunuuina nisi o malaga a vaa i le va o Ueligitone ma Picton ona o le tetele o galu e fafati ma le malolosi o matagi mai itu saute.
Maitauina le aafia o faigāmalaga na tuu e faataunuuina mai le 9:30 i le taeao analeila, ua taofia foi malaga o le 3:30 i le aoauli nei ma malaga o le 9:30 i le po ananei, faapea ai ma le malaga i le 3:30 i le vaveao o le Aso Lulu.
Na faailoa e le Interislander, o le saogalemū o pasese o lo latou faamuamua, ma e na o taimi e saogalemū ai le tau e mafai ai ona faatino malaga.
Faamanino o pasese ua aafia o le a galulue le auaunaga e faafesoota’i ma toe faatulaga a latou faigāmalaga mo se isi taimi.
Maitauina foi i ripoti mai le leitio faavaomalo a Niu Sila, le taofia ai foi e le Bluebridge o le latou malaga na faatulaga mo le e 1:30 i le aoauli mai Ueligitone aga’i atu i Picton.
Ua faailoa mai e le kamupanī, ona e utiuti avanoa mo le toe faatulagaina o malaga, o le a iai lisi mo pasese e faatali ai avanoa i isi malaga.
Puna o Faamatalaga: https://www.rnz.co.nz/news/weather/1042087/cook-strait-ferry-sailings-cancelled-due-to-heavy-swells
