Ua saunoa le Palemia o Niu Sila o Christopher Luxon, o loo malosi lona faatuatuaga o loo iai pea le lagolago a le faipule o Erica Stanford i lana ta’ita’iga.
O loo faailoa i lipoti a le RNZ le tumau o le lagolago a Standford ia Luxon ma na te le’i lu’iina le tofi ta’ita’i.
Ua ta’ua i le lipoti o le Minisita o le Puipuiga, Chris Penk lea e foliga ua amoina le mamafa o le matāupu lea e aofia ai le lu’iina o le tofi ta’ita’i o le latou patī ma ua lipotia le aveesea o ona tofiga faaminisita a o le’i aga’i ese.
O le faatalanoaga a le Palemia i le Morning Report i le asō ua ia ta’ua ai e lē o iai sona masaloga i le lagolago a Standford ma e na te iloa lava le tumau pea o lea lagolago.
Ta’ua e le Palemia, o Chris Penk lea sa galue mo ia lava ma ia faaoso ai le coup lea ua lē manuia.
Na faailoa foi e Luxon o le vaiaso talu ai sa tele lu’itau peita’i ua mae’a soalaupule le matāupu.
Sa ia māta’itūina foi matāupu faapea i faigāmalo a Ausetalia ma le UK ma o lona taofi afai e iai se tasi o le vaega faaupufai e faailoa se matāupu e lē fiafia ai i le ta’ita’iga e ao ona soalaupule e sui uma.
Puna o Faamatalaga: https://www.rnz.co.nz/news/politics_election-2026/1022155/i-know-i-have-her-full-support-christopher-luxon-says-erica-stanford-backs-his-leadership
