Ua tuua’ia nei e Yemen le vaega a le Houthi Rebels lea e lagolago iai Iran, i lo latou fasiotia o tagata e to’aono i se osofa’iga na faia i se vaa faapisinisi i le ogasami o Bab al Mandeb Strait.
O loo faatalia nisi faamatalaga faaopoopo o lenei osofa’iga ae ua faailoa e Amerika ua o latou lapata’i ane o le faaauau pea ona tapunia o le Strait of Hormuz e ono faaopoopo ai pea le maualuga o le tau o le suāuu ma le kesi.
Ua faailoa e le CNN na faaleaga e le militeli a Amerika se vaa la’uoloa na iai i luga le fu’a a Panamā ae na faimalaga ane aga’i i se tasi o uafu i Iran, fana ai loa iai e Amerika se missile na aafia ai le potu o loo iai le afi.
Fai mai o le vaa na taumafai e ui atu i le Gulf of Oman ma ua oia ai le poloka a Amerika o loo faia i uafu o Iran.
Ua ta’ua i le lipoti se faamatalaga a Trump i le ‘autusitala e faapea, o loo matala nei le Strait of Hormuz ma e na o le Navy lava a Amerika o loo ia faatonutonuina lea ogasami.
Puna o Faamatalaga: https://edition.cnn.com/2026/08/11/world/live-news/iran-war-trump
