Ua tuuina le faailo o le taliaina e le pulega o taaloga a le Pasefika le Pacific Games Council o tapenaga a Tahiti mo le talimalo ai i taaloga o le Pasefika i le tausaga fou 2027.
O le Ofisa Sili o tapenaga a lea atunuu, Andrew Minogue na ia faailoa i le RNZ o loo sologa lelei tapenaga a le atunuu mo lea faamoemoe.
Sa faia le fonotaga i Papeete a sui o le Council ma sui o atunuu auai i taaloga, aemaise ai o le komiti o tapenaga o taaloga i le tausaga fou, ma ua faailoa ai le fiafia o le to’atele i tapenaga ua iai nei.
O le a saunia uma nofoaga mo taaloga i le kuata muamua o le tausaga fou 2027.
Ua faailoa foi e Minogue o le taumafaiga a tagata afeleti mai le Pasefika i taaloga na faia talu ai nei i Glasgow a Malo o le Taupulega, sa tulaga lelei ma e lē taumate ua sauni mo Tahiti i le tausaga fou.
Ua fuafua o taaloga o le Pasefika o le a faia i le aso 24 Iulai – 8 Aokuso 2027.
Puna o Faamatalaga: https://www.rnz.co.nz/news/pacific/988787/pacific-games-council-give-tahiti-prep-the-thumbs-up
