O le avea ai o Alaimoana Lealali Leilani Jackson ma se tausi soifua sinia ma le tele o tausaga o lana tautua i lea tomai, ua faailoa e le sosaiete o le gasegase o le kanesa i Samoa, le Samoa Cancer Society, le filifilia o lea tama’ita’i tausi soifua e avea ma Ofisa Sili o le pulega o lea sosaiete.
Ua faailoa ai e Alaimoana i le faasalalauga a le sosaiete o le kanesa lona agaga fiafia e tautua ma faatino le galuega mo le tali atu i aafiaga o tagata e maua i le gasegase, aemaise o le ofoina o fesoasoani ma fautuaga e maua ai togafitiga talafeagai ma faaitiitia ai ola ma soifua e aafia i le gasegase.
O le tama’ita’i tausi soifua sa tuuina atu iai e le Tupu o Peletania le pine taualoa o le Member of the Victorian Order a o iai i Samoa le Tupu o Salesa i le tatalaina o le Fono a Malo o le Taupulega sa talimalo ai lo tatou atunuu i le tausaga e 2024.
