O se alii mai le setete o Vitoria i Ausetalia lea ua manumalo i le faailoga e 20 miliona o le taaloga o le Powerball ina ua faatau lana pepa ae toe o nai sekone se’i le lotto.
Ta’ua e le 9News o le tagata lea mai Latrobe Valley e na o ia ua mauaina le faailoga muamua o le se’i i le po anapo.
O le faamatalaga e faapea toe 35 sekone tapuni le se’i ae faatau loa lana pepa.
Valaau atu iai sui o le taaloga e faailoa lana malo peita’i na matua’i faate’ia o ia e le’i talitonu.
Fai mai e lē masani ona ta’alo i le taaloga peita’i na ia ave numera o asofanau o lona aiga lea ua faamanuiaina ai.
Ua faailoa i lipoti o le mae’a o sana malaga taamilo i le lalolagi o le a ia faaaogā ai lona malo e inivesi mo le lumana’i o lona aiga.
Puna o Faamatalaga: https://www.nine.com.au/australia-news/vic/powerball-victorian-man-wins-20-million-after-buying-a-ticket-with-seconds-to-spare-20260813-p60o80.html
