E silia i le miliona tagata Saina ua agai ese mai o latou fale i le itu i sasae o Saina e aofia ai Shanghai, ona o le Typhoon Dolphin ua aafia ai le atunuu. Ua faailoa e le BBC e oo le malolosi o matagi i le 150km i le itula.
Ua aafia ai feoaiga e le gata i le laueleele ae faapea foi i faigamalaga i le ea aemaise lava i Shanghai. Ua tuuina ai ma se lapataiga i tagata e faatatau i le malosi o le typhoon. Na maitauina i le taeao analeila le tau faaitiitia o le malosi ma ua faatulaga ai o se afa ma o loo faasolo ina afaina ai le ogatotonu o le atunuu.
O loo lapataia foi le toatele i timuga mamafa e ono iai lologa ma eleele solo. Ua lapataia foi tagata ia faaitiitia le feoai i fafo o fale ma ua tapunia le tele o mataaga e masani ona agai iai maimoaga a turisi ma tagata tafafao atu i lea itu o Saina.
Puna o Faamatalaga: https://www.bbc.com/news/articles/cx2rgzyplg2o
