Ua amata ona toe faia e nisi o a’oga i Ueligitone su’ega ma iloiloga i totonu o potu a’oga i lalo o le vaaiga a faia’oga, ina ia taofia ai le faaaogāina sese o le Artificial Intelligence poo le AI.
Saunoa se tasi o faia’oga o le St Patrick’s College, Doug Walker, e lē o atoatoa le polokalame poo le software o loo faaaogāina mo le iloiloina ai ma iloa galuega a fanau a’oga na tusia e le AI.
Ua faailoa mai fo’i i se lipoti a le Education Review Office, e tusa ma le 40 pasene o tamaiti a’oga maualuluga ua latou faaaogāina sese le AI ia latou galuega.
O loo talosagaina nei e faia’oga ina ia silasila i ni fuafuaga ma ta’iala o le faatino ai o meaaoga ma galuega a fanau, ma auala e fesoasoani i le faaaogāina tatau o lea auala faatekonolosi.
Puna o Faamatalaga: https://www.rnz.co.nz/news/education/843854/wellington-school-s-move-to-combat-students-using-ai
