Ua manino le saunoaga a le Faatonu Aoao o le Faalapotopotoga o le Soifua Mālōlōina a le Lalolalgi le WHO, Tedros Adhanom Ghebreysus i le ‘autusitala e faapea, o le pepesi o le Ebola i le tausaga nei 2026 e ono sili atu i lo o le 2014-2016 lea a itiiti mai e 11,000 tagata na maliliu ai.
Fai mai Tedros o le pepesi o le faama’i lea i le tausaga nei ua oo atu i le 4,300 ua faamauina na aafia ai atoa ma le silia i le 2 afe ua maliliu.
O loo faamoemoe le WHO ia toe suia tulaga i le pepesi o le faama’i ma o loo faia pea galuega ina ia taofia le pepesi o le vairusi aemaise lava i le Democratic Republic of Congo.
Ua iai vailaau fou ma fuālaau ua ioeina e mafai ona togafiti ai le vairusi.
O le Ebola o se faama’i ogaoga e masani ona iloa ona āuga i totonu o le 2 aso pe a maua ai, o āuga e pei lava o le fulū ma le malaria, e aafia ai le fiva, tigā o le ulu, gagase tino, faasuati ma le manava tatā se’i tulou, ma e ono aafia foi ma totoga.
E mafai ona pepesi i le va o tagata.
Puna o Faamatalaga: https://www.bbc.com/news/articles/cgk4pex4mn8o
